Молитва прп. Антонию Радонежскому – Приход храма святого Архистратига Михаила а.г.Зембин

Молитва прп. Антонию Радонежскому

Тропарь, глас 3:

 

Волю Божию в житий твоем взыскуя,/ предречение преподобнаго Серафима/ и Небесное призвание чрез святителя Филарета/ на служение в Лавру великую приял еси./ Истинный хранитель заветов аввы Сергия быв,/ иноков наставник богомудрый/ и Лавры благоукраситель искусный явился еси./ Ныне же, предстоя Престолу Святыя Троицы,/ преподобие отче Антоние,//моли спастися душам нашим.

 

Кондак, глас 2:

 

Вышних желая улучити, блаженне,/ от юности Христу последовал еси,/подвигом и нравом святых отец ревнуя,/ благодать духа мирна стяжал еси./Сего ради множеству иноков/ и всем притекающим к тебе/ милостивый отец явился еси./ Темже с любовиювопием ти:/радуйся, Антоние,// Лавры Сергиевы похвало и Церкви Российской украшение.

 

Молитва прп. Антонию Радонежскому:

 

О преподобне отче Антоние, великаго аввы Сергия достойный преемниче, наставлений преподобнаго Серафима исполнителю, святителя Филарета друже и сотаинниче, иноков и всех ревнителей благочестия учителю! Моли всемилостиваго Христа Бога нашего и Его Пречистую Матерь Церкви и Отечеству нашему в мире и тишине пребывати, обители Сергиевой, идеже прославляется великое имя Пресвятыя Троицы, непоколебимой сохранитися, училищу духовному, в ней пребывающему, в православней вере утвердитися. Испроси нам молитвами твоими у Пресвятыя Троицы благодать волю Божию взыскати и исполняти, житие в подвизех покаяния провождати, скорби, болезни и искушения с благодарением терпети, дух мирен стяжати и искати прежде Царствия Божия, в немже ты прославлявши со всеми святыми Отца и Сына и Святаго Духа. Аминь.